Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындау

Жабу Көрсету Қызмет паспорты
Қызметті алушылар
Жеке тұлғалар
Қызметті ұсыну тәсілдері
Кент, ауыл, ауылдық округ әкімі
Облыстардың, Астана, Алматы және Шымкент қалаларының, аудандардың және қалалардың ЖАО
Қызмет құны

Тегін

Қызмет көрсету мерзімі

Құжаттардың топтамасын көрсетілетін қызметті берушіге немесе ауылдық округ әкіміне тапсырған сәттен бастап, сондай-ақ порталға жүгінген кезде – 8 жұмыс күні

Қызметтің толық атауы
Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындау

Қызметті онлайн алу

  1. Порталда авторизациядан өтіп "Онлайн сұратым" батырмасын басыңыз.
  2. Өтінімді толтыру және  ЭЦҚ-мен қол қою (электрондық цифрлық қолтаңбамен).  Өтінімде мәліметтерді көрсету: «Қазпочта» АҚ немесе Екінші деңгей банкінде («Халық банкі» АҚ) ашылған дербес есепшотының нөмірі (IBAN).
  3. Жеке кабинетте ("Қызметтерді алу тарихы" бөлімінде) көрсетілген уақыт ішінде келіп түсетін сіздің өтініміңізді өңдеу туралы хабарламамен танысыңыз.

Қызметті мемлекеттік органда алу (қажетті құжаттар)

  1. Жеке басты куәландыратын құжат (жеке басын сәйкестендіру ұшін қажет).
  2. Адамның (отбасы мүшелерінің) табыстары туралы мәліметтер.
  3. Өмірлік қиын жағдайдың туындағанын растайтын акт және/немесе құжат.

Жеке тұлғаның (отбасы мүшелерінің) табысына тәуелсіз тағайындалатын әлеуметтік көмекті алу үшін жеке тұлғаның (отбасы мүшелерінің) табысы туралы мәліметтер талап етілмейді.

Салыстырып тексеру үшін құжаттар түпнұсқаларда ұсынылады, содан кейін құжаттардың түпнұсқалары көрсетілетін қызметті алушыға қайтарылады.

Қызмет көрсету нәтижесі

Дәлелді жауап көрсетілген немесе қабылданған шешім туралы хабарлама ұсынылады.

Порталда әлеуметтік көмек тағайындау туралы хабарлама, сондай-ақ әлеуметтік көмек тағайындау туралы ақпарат көрсетілетін қызметті берушінің уәкілетті адамының электрондық цифрлық қолтаңбасымен куәландырылған электрондық құжат нысанында көрсетілетін қызметті алушының "жеке кабинетіне" жіберіледі.