eGov.kz порталында онлайн режимінде «тіркеу кітабы» іске асырылуда

Жариялау күні: 2018 жылғы 22 қазан

domovaya_kniga_kaz.yaz.jpg

«Ұлттық ақпараттық технологиялар» АҚ Қазақстан Республикасы Ішкі істер министрлігімен бірігіп eGov.kz порталында «Мекенжай бойынша тіркелген тұлғалар туралы мекенжай анықтамасын беру» атты жаңа қызмет көрсетіле бастағаны туралы хабарлайды.

Енді жылжымайтын мүлік иесінің баспанада тіркелген тұлғалар туралы мәлімет алуға мүмкіндігі бар. Бұл дегеніңіз, пәтер/үй иесі оның пәтерінде/үйінде тіркелген барлық тұлғалар туралы ақпаратты бір анықтама арқылы алады деген мағынаны білдіреді.

Аталған қызметті пайдалану үшін түрғын үй иесі eGov.kz порталына кіріп, «Жылжымайтын мүлік – Тұрғын үй қатынастары» бөлімінде қызметті таңдап, оған тапсырыс береді, кейін көрсетілген тізімнен жылжымайтын мүліктің тиісті объектісін тауып,  SMS-пароль немесе ЭЦҚ арқылы тапсырысын растайды.

Таңдалған жылжымайтын объектісі бойынша тіркелген жеке тұлғалардың тізімі қоса берілген мекенжай анықтамасы тапсырыс берілген қызмет түрінің нәтижесі болып табылады. Қызмет тегін көрсетіледі, қызмет көрсету уақыты 15 минуттан аспайды.

* * * * *

«Ұлттық ақпараттық технологиялар» АҚ – «электронды үкіметтің» инфокоммуникациялық инфрақұрылымы мен мемлекеттік органдардың бірыңғай көлік жүйесінің операторы, орталық және аймақтық мемлекеттік органдардың ақпараттық жүйелеріне жүйелі-техникалық қолдау көрсетеді, мемлекеттік деректер базасындағы ақпараттың қауіпсіздігіне жауап береді («Заңды тұлға», «Жеке тұлға», «Мекенжай регистрі», «Жылжымайтын мүлік регистрі», «Е-лицензиялау», «Е-техбайқау»). Беткеұстар бағыттар бұл – “Электронды үкімет» (egov.kz) және «Ашық үкімет» (open.egov.kz) порталдары, mGov.kz қосымшасы, телеграм бот @EgovKzBot, ҚР 1414 Бірыңғай байланыс орталығы.