24 әлеуметтік маңызды қызметті онлайн алуға болады

Жариялау күні: 2020 жылғы 9 шілде

24 көрсетілетін қызмет, олардың басым бөлігі бұл ел тұрғындарына жәрдемақы немесе әлеуметтік көмек тағайындау «электрондық үкімет» порталында қолжетімді болды.

«Халықтың әлеуметтік осал топтарын қолдаудың маңыздылығын назарға ала отырып, қазіргі жағдайды ескере отырып, азаматтарға әлеуметтік көмек көрсетуге бағытталған Еңбек және халықты әлеуметтік қорғау министрлігінің 24 көрсетілетін қызметін онлайн форматқа қайтару туралы шешім қабылданды. Енді осы көрсетілетін қызметтердің барлығын үйден шықпай-ақ алуға болады», - деп атап өтті «Ұлттық ақпараттық технологиялар» АҚ Басқарма төрағасы Әсет Тұрысов.

Көрсетілетін қызметтерді алу үшін бірінші кезекте порталда авторлану қажет, содан кейін порталдың басты бетінде «Электрондық өтініштер» сервисін таңдап, қызметке тапсырыс беру қажет. Одан әрі ашылған терезеде «Құру» батырмасын басу керек. Одан кейін «Мемлекеттік көрсетілетін қызметтің атауы» бағанында қажетті көрсетілетін қызметті таңдап, қажетті жолдарды толтыру. «Алушы» бағанында ұсынылған тізімнен мемлекеттік органды таңдау қажет. Содан кейін Мемлекеттік көрсетілетін қызмет стандартында көрсетілген құжаттарды қоса тіркеп, өтінімге ЭЦҚ (электрондық цифрлық қолтаңбамен) қол қою. 

«Электрондық өтініштер» сервисінің көмегімен мынадай көрсетілетін қызметтерді алуға болады: бала жасынан бірінші топтағы мүгедекке күтім жасау бойынша жәрдемақы тағайындау, мемлекеттік атаулы әлеуметтік көмек тағайындау, мүгедектерге протездік-ортопедиялық көмек ұсыну үшін құжаттарды ресімдеу, Мүгедектерге кресло-арбалар беру, көп балалы отбасыларға мемлекеттік жәрдемақы тағайындау және т.б. 

Қажетті құжаттар тізімімен және өтініш үлгісімен қызметті таңдаған кезде көрсетілетін сілтеме бойынша өтіп, порталда танысуға болады.

Көрсетілетін қызметтерді мына сілтеме бойынша алуға болады: https://egov.kz/cms/kk/services/citizen_and_the_government/e_app