eGov mobile мобильді қосымшасы

Мобильді қосымшаны Мобильді азаматтар базасында (МАБ) тіркелген ҚР азаматтары пайдалана алады.

EGov mobile электрондық үкіметтің мобильді қосымшасы Google Play-де (талап етілетін Android нұсқасы - 5.0 немесе одан кейінгі), AppStore-де (талап етілетін iOS нұсқасы - 11.3 немесе одан кейінгі) жүктеу үшін қолжетімді.

Қосымшада ЭЦҚ-мен немесе бір реттік пароль арқылы авторизациядан өтуге болады*.

EGov mobile жаңа мобильді қосымшасы ЭЦҚ-ны барынша ыңғайлы пайдалануға мүмкіндік береді:

  • eGov mobile қолданыстағы ЭЦҚ-ны 4 таңбалы PIN кодқа және құрылғыңыздың кіріктірілген биометриясына (Face ID, Touch ID) бекітуге мүмкіндік береді. ЭЦҚ-ны PIN кодқа және биометрияға бір рет бекітіп, сіз ЭЦҚ таңдауға және әр жолы авторизация мен Қызметті алу кезінде парольді енгізуге алаңдамасаңыз болады.
  • Сондай-ақ, eGov mobile-да ЭЦҚ-ны мобильдік қосымшадан шығару функциясы қолжетімді.

Қосымшаның басты бетінде пайдаланушы үшін қосымшамен жұмыс бойынша қықаша нұсқаулықтар ұсынылған.

Нұсқаулықтар әлеуметтік желілер бойынша пайдаланушыларға таныс тарих түрінде орындалған.

«Танымал қызметтер» бөлімінде неғұрлым сұраныстағы анықтамалар шығарылған. Көрсетілетін қызметтердің толық тізімін «Барлық қызметтер» сілтемесі бойынша немесе «Қызметтер» бөлімінде көруге болады. eGov mobile арқылы қызмет алу ыңғайлы екенін атап өту керек. Біз көрсетілетін қызметті қосымшаға жай ғана көшіріп қоймай, қызметтерді толығымен қайта ойластырамыз. Қызметті алу кезінде деректеріңізді енгізудің қажеті жоқ, деректер eGov жеке кабинетінен автоматты түрде толтырылатын болады.

Сондай-ақ, басты бетте қосымшалар дүкені орналасқан:

  • «Цифрлық құжаттар» - eGov Mobile қосымшасында жеке электрондық құжаттарды сақтау бойынша сервис. Сондай-ақ, сервис азаматқа оның  келісімі бойынша үшінші тұлғаларға құжаттарға қол жеткізуге мүмкіндік береді.
  • «Электрондық еңбек биржасы» - жұмыс іздеу мүмкіндігін қамтамасыз ететін жұмысқа орналастыру бойынша бірыңғай цифрлық алаң. Осы сервис арқылы сіз:

- түйіндеме жасау, жұмыс берушілерден сұхбаттасуға шақыру алу, бос жұмыс орнына жауап беру немесе шақырудан бас тарту;

- берілген параметрлер бойынша бос жұмыс орындарына жазылым жасау және электрондық поштаға хабарлама алу.

- кәсіптік бағдар бойынша тестілеуден өтіп, сізге жақын мамандықты анықтау нәтижесін алу мүмкіндігіне ие боласыз. 

  • «Денсаулық паспорты» пациенттің денсаулық жағдайы туралы құрылымданған ақпарат сақталатын клиникалық құжатты, сондай-ақ медициналық ұйымға тіркелу деректерін, диспансерлік есепке алуды, стационарлық деректерді, зертханалық зерттеулердің нәтижелерін және iOS-қа құжатты «Денсаулық» бағдарламасына түсіру мүмкіндігімен т.б. алуға мүмкіндік береді.

«Хабарламалар» бөлімінде сіз қызмет мәртебесінің өзгеруі туралы барлық хабарламаларды көре аласыз.

«Бағдар» бөлімінде отбасы, жеке құжаттар, әлеуметтік мәртебе, заңды тұлғаға қатысу туралы ақпарат, көлік және жылжымайтын мүлік туралы ақпарат және т. б. туралы әртүрлі мемлекеттік деректер қорынан жеке ақпарат көрсетіледі.

Сондай-ақ, бағдарда қосымшаның баптауларын өзгертуге болады.

 

* Бір реттік пароль-сұрау салу жібергеннен кейін пайдаланушының ұялы телефонына келетін тексеру коды бар sms-хабарлама. Бір реттік парольді  пайдалану үшін пайдаланушы мобильді азаматтар базасында тіркелуі тиіс.

Cоңғы өзгеріс: 16.06.2020